Qeveria e Kosovës e ka miratuar projektligjin për Tatimin mbi Vlerën e Shtuar. Ministri i Financave, Bedri Hamza tha se ndryshimi i ligjit është bërë me qëllim të heqjes së barrës ndaj bizneseve.
“Bizneset do të kenë likuidet më të madh. Do të jetë i liruar nga të gjitha interesat që i kanë paguar deri më sot”, tha Hamza.
E kryeministri i Kosovës, Ramush Haradinaj tha se ndryshimet e bëra në Ligjin për TVSH-në janë lajmi më i mirë për të gjithë.
“Ky është lajmi më i mirë i mundshëm për vendin, për sipërmarrësit për prodhuesit për të gjithë të tjerët”, tha Haradinaj.
Qeveria e Kosovës ka aprovuar edhe vendimin për kursime, ndarje dhe transfere buxhetore. Ky vendim ka rrjedh për shkak ta pamundësisë për të bërë rishikimin buxhetor në mes të vitit.