Sot ka ndërruar jetë veterani i arsimit Emin Fejza, i cili për një kohë të gjatë kishte ushtruar veprimtarinë e tij prej pedagogu për shumë gjenerata.
Fejza ndërroi jetë sot, ndërsa kontributi i tij për arsimin në Vushtrri ishte madh, duke përcjellur kështu shumë gjenerata të nxënësëve e maturantëve Vushtrrias.
Kontributin e tij në fushën e arsimit dhe ndërtimin e institucioneve të pasluftës e ka vlërsuar lartë edhe kryetari i Komunës së Vushtrrisë, Xhafer Tahiri, i cili përmes një telegrami ngushëllimi ka ngushlluar familjen Fejza.
Në vijim gjeni telegramin e ngushllimit nga kryetarit Tahiri :
Telegram ngushëllimi
E nderuara familje Fejza!
Me dhembje morëm sot lajmin për ndarjen nga jeta të veprimtarit dhe ish kryeshefit ekzekutiv të Komunës së Vushtrrisë, Emin Fejza.
Prof. Emin Fejza, do të përkujtohet përherë me respekt nga qytetarët e Vushtrrisë për kontributin e tij në zhvillimin e arsimit ne vitet 90, dhe te institucioneve demokratike lokale në periudhën e pas përfundimit të luftës.
Në emrin tim, dhe të gjithë qytetarëve të Vushtrrisë, Ju lutem pranoni ngushëllimet për ndarjen nga jeta të më të dashurit tuaj, profesorit dhe ish kryeshefit ekzekutiv të Komunës së Vushtrrisë.
Me respekt,
Xhafer Tahiri,
Kryetar i Komunës së Vushtrrisë