Për herë të tretë sot në sheshin “Zahir Pajaziti” në Prishtinë janë mbledhur qytetarë me kërkesën e tyre që Kryeprokurori i Shtetit, Aleksandër Lumezi, të shkarkohet nga kjo pozitë. Përveç, kësaj protestuesit, janë duke kundërshtuar edhe idenë e prezantuar së fundmi nga presidenti, Hashim Thaçi, për korrigjim të kufijve.Me thirrjet “Lumez ik” dhe “Hashim s’ka korrigjim”, protestuesit po marshojnë nëpër sheshin “Nënë Tereza” deri në cak – para Qeverisë së Kosovës.
Kërkesa e qytetarëve për shkarkimin e Lumezit nga detyra ka rrjedhur prej dorëheqjes së prokurorit special, Elez Blakaj, që ka deklaruar se është përballur me presione dhe kërcënime derisa ka hetuar listat e veteranëve të luftës.
