Komuna e Vushtrrisë dhe Shoqata “Jetimat e Ballkanit” do të ndërtojnë dhjetër shtëpi për jetimët dhe familjet nevojtare në regjionin e Vushtrrisë.
Këtë e ka bërë të ditur kryetari i Komunës së Vushtrrisë, Xhafer Tahiri, në një njoftimin në një nga llogaritë e tij në rrjetet sociale.
Ky është postimi i plotë i Tahirit:
Komuna e Vushtrrisë dhe Shoqata Bamirëse “Jetimat e Ballkanit” do të ndërtojnë bashkë së paku 10 shtëpi për jetimët e nevojtarët në Vushtrri në vitin 2019. Faleminderit Halil Kastrati për bashkëpunimin e për shërbimin tuaj në ndihmë popullit tonë, jetimave dhe familjeve në nevojë. Faleminderit bamirësa!