Sot është edhe 86 vjetori i rënies së heroit dhe veprimtarit të çështjes kombëtare, Hasan Prishtina.
Hasan Prishtina lindi në Vushtrri dhe ushtroi një veprimtari të gjerë prej patrioti rreth kauzës kombëtare.
Sot është dikush që nga Komuna e Vushtrrisë ka shprehur edhe dëshirë dhe njëkohsisht ka bërë një kërkesë që eshtrat e Hasan Prishtinës të sillen në Vushtrri.
Është kjo Drejtoresha për kulturë, Rini dhe Sport, në Komunën e Vushtrrisë, Fatmire Cecelia, e cila përmes një shkrese zyrtare ka kërkuar që eshtrat e Hasan Prishtinës të sillen në Vushtrri.
“Më lejoni t’ju njoftoj se më datë 13.08.2018, si drejtoreshë e Drejtorisë për Kulturë, Rini dhe Sport, kam parashtruar kërkesë zyrtare në adresë të Ministrit të Kulturës, Rinisë dhe Sportit, që të përdorë autoritetin e tij për sjelljen e eshtrave të Hasan Prishtinës në vendlindjen e tij.” ka shkruar ajo në facebook.
