Gjashtë persona kanë mbetur të lënduar si pasojë e një aksidenti që ka ndodhur dje në fshatin Dumnicë të komunës së Vushtrrisë.
Avni Zahiri zëdhënës i Policisë për rajonin e Mitrovicës ka konfirmuar se aksidenti ka ndodhur dje rreth orës 19:00.
“Gjashtë persona kanë marr trajtim mjekësor në Spitalin e Vushtrrisë si pasojë e një aksidenti ku janë përfshirë dy vetura”, ka thënë Zahiti.
Sipas zëdhënësit, aksidenti dyshohet të jetë shkaktuar nga pakujdesia e njërit prej drejtuesve të veturave.