Shembje në rrugën lidhëse Bare–Gumnishtë–Karaçë–Gojbulë, rrezik serioz për veturat
—
Një pjesë e rrugës që kalon mbi lagjen Zeka, në fshatin Gumnishtë, ka pësuar shembje si pasojë e rrëshqitjes së dheut, duke paraqitur rrezik të madh për qarkullimin e automjeteve. Kjo rrugë është lidhëse për disa fshatra, përfshirë Baren, Gumnishtën, Karaçën dhe Gojbulën, si dhe shërben si aks i rëndësishëm për banorët e zonës së Vushtrrisë.
Rreziku është veçanërisht i shtuar gjatë natës, për shkak të dukshmërisë së kufizuar dhe mungesës së sinjalizimit adekuat. Shoferëve u bëhet thirrje të tregojnë kujdes të shtuar gjatë kalimit në këtë segment rruge, ndërsa institucionet përkatëse pritet të reagojnë për sanimin e dëmeve dhe sigurimin e qarkullimit.