Ndërron jetë arsimtari Ismail Jashari
—
Është ndarë nga jeta Ismail (Azem) Jashari (1963–2026), mësues nga fshati Strofc i Vushtrrisë, i njohur për një karrierë të gjatë dhe përkushtim të vazhdueshëm në fushën e arsimit. Shkollimin fillor e kreu në Strofc, ndërsa arsimin e mesëm në Obiliq dhe Mitrovicë.
Nga viti 1990, Jashari kontribuoi në disa institucione arsimore në komunën e Vushtrrisë, duke shërbyer në shkollat “Liria”, “Lutfi Musiqi”, “Andon Z. Çajupi”, “Mustafë Venhari”, “Ali Kelmendi”, si dhe në SHMLP “Bahri Haxha”, ku edhe e përmbylli angazhimin e tij profesional. Ai u vlerësua për korrektësinë, disiplinën dhe seriozitetin në punën pedagogjike.
Gjatë viteve të luftës 1998–1999, Ismail Jashari ishte i angazhuar në radhët e UÇK-së.
Ai u nda nga jeta më 2 shkurt 2026, në moshën 63-vjeçare.
Ceremonia e varrimit do të mbahet më 3 shkurt 2026, në ora 13:00, në varrezat e lagjes Shabanaj në Strofc.