Policia e Vushtrrisë vazhdon kërkimet për personin e dyshuar që mbrëmë plagosi një 17-vjeçare në rrugën “Ferat Novolani”, në një rast që po hetohet si vrasje e rëndë në tentativë.
Vajza dyshohet se ka mbetur e plagosur pa qenë cak i sulmit.
Sipas raportit zyrtar, ankuesi ka njoftu policinë se i dyshuari ka shtënë dy herë në drejtim të tij dhe familjes së tij, duke plagosur në krah mbesën e tij – të miturën E.V., e cila është dërguar në trajtim mjekësor dhe ndodhet jashtë rrezikut për jetë.
I dyshuari është largu menjëherë nga vendi i ngjarjes dhe aktualisht gjendet në arrati. Gjatë kontrollit në shtëpinë e tij, policia ka sekuestru një pushkë 10-she dhe 14 fishekë.