Një alarm për një shpërthim të mundshëm ka vënë në lëvizje Policinë e Kosovës pasditen e sotme në fshatin Bresje të Fushë Kosovës.
Rastin e ka konfirmuar për “Front Online” Flora Ahmeti zëdhënësja e Policisë, rreth orës 14:30 është pranuar një informatë që lidhet me dyshime për një incident të tillë në një shkollë të zonës.
Sipas Ahmetit, njësitet policore kanë reaguar menjëherë duke dalë në vendin e ngjarjes dhe duke ndërmarrë veprimet operative të nevojshme.
“Rreth orës 14:30 është pranuar një informatë për dyshimet që ndërlidhen me një shpërthim të mundshëm në një shkollë në Bresje të Fushë Kosovës. Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën”, ka deklaruar Ahmeti.