Sipas një liste të publikuar nga mediumi Ballkani.info, kandidatja e NISMA Socialdemokrate, Xhevahire Izmaku, ka arritur një rezultat të konsiderueshëm në zgjedhjet e 9 shkurtit, duke dalë e pesta më e votuar në komunën e Malishevës. Sipas të dhënave, Izmaku ka marrë 4,775 vota, duke e konfirmuar kështu mbështetjen e fortë që ka në këtë komunë.
Në renditjen e kandidatëve më të votuar në Malishevë, Fatmir Limaj kryeson me 7,526 vota, pasuar nga Arbëreshë Krasniqi me 6,558 vota, Vesel Krasniqi me 6,301 vota, dhe Isni Kilaj me 4,793 vota.
Rezultati i lartë i Izmakut dëshmon për mbështetjen e vazhdueshme të elektoratit të NISMA-s në Malishevë, një bastion i rëndësishëm për këtë subjekt politik.
Zgjedhjet e 9 shkurtit kanë nxjerrë në pah një garë të fortë mes kandidatëve, ndërsa numërimi i votave ka treguar disa surpriza në disa komuna.