Instituti Hidrometeorologjik i Kosovës ka bërë të ditur se në vikend do të ketë mot të vranët, me reshje shiu dhe bore të herëpashershme.
Në njoftimin e lëshuar thuhet se të shtunen moti parashikohet të jetë i vranët, me reshje të herëpashershme të shiut dhe fjolla bore.
“Temperaturat minimale do të lëvizin nga 0 deri në 2°C, ndërsa ato maksimale pritet të arrijnë 4-7°C. Do të fryjë një erë e lehtë deri mesatare nga verilindja”.
Ndërsa, të dileën moti do të jetë kryesisht i vranët. Në ultësira, pritet të ketë mjegull, ndërsa në viset malore do të shfaqen ngrica të lehta.
“Temperaturat minimale do të jenë nga -1 deri në +1°C, ndërsa ato maksimale do të lëvizin nga 6 deri në 9°C. Do të fryjë erë nga verilindja me shpejtësi 1-6 m/s”, thuhet në njoftim.