Në shënim të 112-vjetorit të Pavarësisë së Shqipërisë, në Qendrën e Kulturës “Hasan Prishtina” u hap ekspozita kolektive “Art dhe Trashëgimi”, organizuar nga OJQ L’art Youth Gallery.
Ekspozita përmban punime të 25 artistëve nga Kosova dhe nxënësve të shkollave të mesme të Vushtrrisë, realizuar gjatë një punëtorie dyditore në Muzeun e Qytetit.
Artistja Fjolla F. Ferati falënderoi Komunën e Vushtrrisë për mbështetjen dhe vlerësoi bashkëpunimin me Drejtoreshën e Muzeut, Shukrane Begu, dhe Drejtorin për Kulturë, Izet Miftari. Ekspozita u përmbyll me një koktej festiv, duke nderuar artin dhe trashëgiminë kulturore.
Projekti u realizua me përkrahjen e Komunës së Vushtrrisë.