Nje shtepi është përfshirë nga zjarri në fshatin Brestovik të Pejës. Pos saj, flakët kapluan edhe një tjetër aty pranë.
Policia bën me dije se zjarri u shua bashkë me zjarrfikësit dhe banorët. Të lënduar nuk ka.
“Njësitet policore pas pranimit të informatës lidhur rastin, kanë dalë në vendin e ngjarjes dhe kanë vërejtur një shtëpi që e kishte kapluar zjarri dhe kishte filluar të përhapej edhe në një shtëpi tjetër. Njësitet policore, zjarrfikësit s’ bashku edhe me banorët kanë shuar zjarrin në tërësi. Të lënduar nuk ka, ndërsa lidhur me rastin është informuar edhe prokurori. Rasti duke u hetuar”, thuhet në raportin policor, njofton Klankosova.tv.