Ministrja e Punëve të Jashtme të Kosovës, Donika Gërvalla, nëpërmjet një postimi në platformën sociale, X, të martën ka njoftuar se Rusia aktualisht po kryen një sulm hibrid ndaj Kosovës.
Sipas saj, ky sulm nga Rusia po vjen si hakmarrje pasi Kosova do ta mbështesë Ukrainën me pajisje ushtarake.
“Rusia po sulmon Kosovën përmes një sulmi hibrid sot, pas njoftimit tonë për mbështetje në pajisje ushtarake për Ukrainën në mbrojtjen e saj të justifikuar kundër agresionit gjenocidal rus. Ne e dimë nga gjenocidi i Serbisë kundër Kosovës se vetëm mjetet ushtarake e ndalin gjenocidin”, ka shkruar Gërvalla në X.