Premiera e parë e teatrit “Muharrem Qena” për vitin 2024 është gati.
Siç shkruan “Vushtrria Press”, më 14 shkurt prej orës 20:00 do të jepet premiera e këtij teatri në Teatrin e qytetit “Adem Mikullovci” në Vushtrri si dhe hyrja do të jetë falas.
Premiera e Komedisë “Një vrasje e vogël aksidentale” e autorit francez me famë botërore Jean Pierre Martinez dhe në regji të Marigona Bekteshi Ferati.
“Tradhëtia bashkëshortore pa dashje, lehtë mund të dërgon edhe te vrasja pa dashje!
Një komedi e situatave të pa zakonta që përfshinë dy çifte, të cilët kanë tradhëtuar dhe vrasin pa dashje…”
Siç bën të ditur “Vushtrria Press”, kjo shfaqje vjen me një kastë të aktorëve njohur: Fisnik Ademi, Irena Aliu, Qendresa Kajtazi dhe Artan Hetemi.
Për muzikën është kujdesur : Gëzim Hasani, skenografia: Shyqri Çeliku, kostumet: Afërdita Statovci dhe grimi Laura Ymeri.
Ardian Kavaja- organizator
Murat Kajtazi -Leka- dizajni i dritave, Lulzim Hasani – mjeshtër skene, Besmir Brahimi – tonist,
Fisnik Uka- rekuizita
Faton Deliu- punëtor skene,
Arben Sahiti – punëtor skene dhe marketingu : Umbrella Group.