Nesër, më 4 dhjetor, 2023 nga ora 13:30 në Qendrën e Kulturës “Hasan Prishtina”, Drejtoria për Kulturë, Rini dhe Sport sjell shfaqjen e realizuar nga persona me aftësi të kufizuara. “Pa Limit” tregon ngjarje nga jeta e përditshme e këtij grupi të shoqërisë. Kjo shfaqje sjell rrëfime dashurie, dhe shpërfaq potencialin e dëshirën e të jetuarit pa kufizime.
Pavarësisht sfidave jetësore e barrierave shoqërore që hasin çdo minutë, ata/ato inspirojnë edhe personat me zhvillim “tipik” dhe reflektojnë energji pozitive, sepse ata e njohin vetveten dhe krenohen me atë si janë! Përmes kësaj shfaqje ata/ato thyejnë barrierat për të marrë vlerësimin për aftësitë e tyre kreative dhe artistike.
Luajnë: Fahri Krasniqi, Afërdita Haxholli, Albin Salihi, Festina Ibishi, Trimor Idrizi, Fortesë Vishesella, Blerina Krasniqi.
