Leonida Molliqaj nga organizata “Qikat”, ka thënë se femicidi në Kosovë është shumë i qartë në kontekst të ngjarjeve të fundit lidhur me me vrasjen e Liridona Ademaj, ku sipas saj, ka pasur një tendencë që Naim Murselit, i dyshuar për organizim të vrasjes së bashkëshortes, t’i jepën epitete si i sëmurë psiqik.
“Ndonëse ka pasur një ndjeshmëri të lartë për këtë rast në Kosovë, por edhe për raste të tjera të vrasjeve të grave. Prapë se prapë diskutimi për to ka qenë i gabuar sepse ka pasur një tendencë për me u mohu fenomeni i femicidit, për me u gjetë një interpretim tjetër për vrasjen e saj”, tha ajo në “Pressing”.
“Ka pas tentativa me i dhënë ngjyrim psikologjik apo psikiatrik të rastit, duke thënë se Naimi nuk qenka mirë psiqikisht. Kjo është qasje e gabuar, sepse dhuna ndaj grave e femicidi ka probleme strukturore, shoqërore që duhet me i trajtu na si shoqëri, si institucione, e si politikë”, ka pohuar ajo më tej.