Xhavit Haliti nga PDK-ja, për Gazeta Blic ka thënë se bisedimet në Bruksel po bëhen për normalizim të raporteve dhe jo për njohje të Kosovës.
“Bisedimet me Brukselin nuk po bëhen për njohjen e Pavarësisë së Kosovës, por për normalizimin e raporteve Kosovë- Serbi dhe për zbatimin e marrëveshjeve të nënshkruara në vitin 2013 dhe 2015 si dhe planit zbatues të miratuar në Ohër”, ka thënë Haliti.
Pasi kryetari i Kuvendit të Kosovës, Glauk Konjufca tha se nuk ka Asociacion pa njohje nga Serbia, Haliti i përgjigjet duke thënë se nuk e kupton se ku inspirohen për këto deklarata.
“Mendoj që përfaqësuesit e shtetit duhet të sillen si shtetarë evropian dhe jo të bëjnë deklarata me papjekuri të madhe politike . Kur i ndëgjoj këto lloj deklaratash po më krijohet përshtypja që inspirimi i tyre nuk është nga politika moderne e mundëshme e kohës së sotme por nga legjenda për Mic Sokolin”, ka thënë ai për GazetaBlic.