Një person është plagosur pas të shtënave me armë zjarri në Vitomiricë të Pejës.
Rasti ka ndodhur brenda një lokali mëngjesin e sotëm në rrugën “Alija Izetbegoviq”, rreth orës 07:15.
“Policia menjëherë iu ka përgjigjur vendit te ngjarjes dhe me të arritur në atë lokacion ka takuar dy persona njëri nga ta ishte i lënduar nga arma e zjarrtë, i lënduari menjëherë është dërguar në Emergjencën e Spitalit Rajonal në Pejë”, thuhet në njoftimin e policisë transmeton Klankosova.tv
I dyshuari R.K, i lindur më 1989, mashkull kosovar është arrestuar nga policia.
Po ashtu është gjetur dhe sekuestruar arma e cila dyshohet se është përdorur në rast.
Pas intervistimit të dyshuarit nga na e hetuesve rajonal në prezencën e avokatit mbrojtës, me urdhër të prokurorit shtetit i njëjti ёshtё ndaluar për 48- orё.