Një person ka humbur jetën si pasojë e një aksident trafiku që ka ndodhur mbrëmë në rrugën Vushtri – Skenderaj, saktësisht në fshatin Novolan, raporton Gazeta Sinjali.
Sinjali mëson se viktima është Islam Mehmeti, 62-vjeçar.
62-vjeçari fillimisht u dërgua në spital për ndihmë mjekësore, por ai nuk ia doli t’i përballojë plagët e marra dhe si pasojë ka ndërruar jetë sot në mëngjes.
Me urdhër të prokurorit, shoferi që dyshohet se shkaktoi aksidentin është dërguar në mbajtje, ndërsa trupi i pajetë i viktimës është dërguar në Institutin e Mjekësisë Ligjore për obduksion./GazetaSinjali/