Ministri i Punëve të Brendshme, Xhelal Sveçla, e ka uruar Policinë e Kosovës për një operacion kundër fajdes që e ka zhvilluar sot në Fushë Kosovë.
Ai, me anë të një postimi në rrjetin social Facebook, ka deklaruar se lufta ndaj krimit është duke vazhduar në tërë territorin e Kosovës.
“Policia e Kosovës ka finalizuar sot me sukses një operacion kundër veprimtarisë së fajdes. Janë arrestuar dy persona nga Fushë Kosova të cilët përmes të veprimtarisë së jashtëligjshme të fajdes kanë përfituar nga një qytetar të holla në vlerë prej 260 mijë eurove”.
“Përgëzoj Policinë e Kosovës për suksesin e treguar dhe për përkushtimin që qytetarët tanë të kenë jetë të qetë dhe të sigurt”, ka thënë Sveçla./Klankosova.tv