Për të shtatën ditë me radhë, po vazhdojnë protestat në tri komuna të veriut.
Ngjashëm sikur dje, edhe sot, pak protestues janë parë në Zveçan, Zubin Potok e Leposaviq.
Radio KIM raporton se është bërë ndërrimi i pjesëtarëve të Policisë së Kosovës, kurse ata të KFOR-it po vazhdojnë ta monitorojnë situatën.
Protestuesit po qëndrojnë nëpër disa çadra që i kanë vendosur pas reshjeve të shumta të shiut.
Në anën tjetër, kryeministri i Kosovës, Albin Kurti, ka thënë se numri i policëve mund të zvogëlohet, vetëm pas largimit të bandave nga veriu.