Anëtarja e Kryesisë së Lidhjes Demokratike të Kosovës, Jehona Lushaku-Sadriu ka reaguar pas bojkotimit të pritjes shtetërore për Ditën e Çlirimit, nga ambasadorët e QUINT-it.
Lushaku-Sadriu tha se ata që investuan me gjithë arsenalin për të na çliruar, nuk janë me në për të festuar.
“Ambasadorët e shteteve perëndimore paskan bojkotuar pritjen e presidentes për Ditën e Çlirimit. Ata që intervenuan me gjithë arsenalin për të na çliruar, ata nuk janë sot me ne për të festuar”, ka shkruar Lushaku-Sadriu në rrjetin e saj në Facebook.
Sipas saj, kjo është një humbje për Kosovën nga, “papërgjegjësia, padituria e kryeneqësia e Qeverisë Kurti dhe e presidentes Osmani”, ka shkruar mes tjerash Lushaku-Sadriu.
Për nder të Ditës së Çlirimit liderët e shtetit kanë organizuar një pritje, organizim ky në të cilin munguan ambasadorët e shteteve perëndimore.