Emisari Special i Bashkimit Evropian për dialogun Kosovë-Serbi, Miroslav Lajçak, në një prononcim për “The Geopost”, ka thënë se BE-ja është duke pritur nga NATO-ja që t’i prezantojë faktet për kidnapimin e tre zyrtarëve policorë të Kosovës nga xhandarmëria serbe brenda vijës kufitare.
Kur është pyetur nëse Brukseli ka informacione se ku gjenden policët e kidnapuar të mërkurëm, diplomati sllovak pohoi se kanë “disa” informacione, porse janë akoma në kontakt me të gjitha palët, ngase sipas tij, ekzistojnë “dy tregime kontradiktore”.