Tre zyrtarë të Policisë së Kosovës janë arrestuar të mërkurën nga forcat serbe në veri të vendit.
Sipas Policisë së Kosovës, kidnapimi i tyre “klasik” ka qenë i organizuar dhe ka ndodhur brenda territorit të Kosovës.
E deputetja e LDK-së, Rrezarta Krasniqi, duke reaguar për këtë ngjarje ka thënë se “sot u poshtërua shteti” dhe “jo zyrtarët policorë”.
Sipas saj, “rrëmbimi i tre pjesëtarëve të Policisë së Kosovës nga bandat kriminale serbe vendos Kosovën në një pozicion delikat, për çka përgjegjës është Albin Kurti, i cili me avanturat e tij e ka futur vendin në qorrsokak”.
“Institucionet tona duhet të bëjnë çdo gjë që është e mundur, për lirimin sa më shpejtë të tyre. Krenohemi me çdo minut të angazhimit të Policisë së Kosovës”, shkroi ajo në Facebook.