Komuna e Vushtrrisë ka marrë vendim që të lejojë punën e bizneseve dhe gjatë ditës së diel.
Kjo është bërë e ditur përmes një njoftimi në rrjetin social facebook, ku njoftohet se vendimi ka ardhur duke marrë parasyash situatën e krijuar me vërshimet, dhe ardhjen e mërgimtarëve.
Njoftimi i plotë nga komuna e Vushtrrisë:
NJOFTIM
Bizneseve ju lejohet puna edhe ditën e diel
Për shkak të situatës së krijuar nga vërshimet dhe ardhjes së mërgimtarëve, bazuar në Rregulloren për Fillimin dhe Mbarimin e Orarit të Punës të Veprimtarive Afariste-Biznesore, është marrë vendim që bizneseve të ju lejohet puna edhe të dielave.