Ministrja e Punëve të Jashtme, Donika Gërvalla-Schwartz, ka qëndruar sot në Bruksel, dhe ka ndarë një fotografi para selisë së NATO-s.
Në Ditën e Çlirimit të Kosovës ajo shprehu mirënjohjen për intervenimi e forcave të NATO-s në Kosovë, teksa nuk la pa e përmendur përfshirjen e presidentit të tashëm serb, Aleksandër Vuciq, në qeverinë e atëhershme serbe.
“12 qershor 1999 – 12 qershor 2023. Kur po e vizitoja NATO-n sot në Bruksel, ndieva mirënjohje të pafund që NATO-ja na kishte ardhur në ndihmë kur Kosova ishte buzë zhdukjes nën agresionin gjenocidal nga Serbia”, ka shkruar Gërvalla në Twitter.
“Ministër i Propagandës më 1999 ishte Aleksandër Vuciqi. Ai nuk kërkoi falje kurrë!”