Kosova është paraparë që sot të zhvillojë ndeshjen e tretë të fazës së grupeve për kualifikimet në Euro 2024 kundër Rumanisë.
Shiu që ka rënë dje dhe sot, ka rënduar shumë fushën e stadiumit “Fadil Vokrri” në Prishtinë.
Gjyqtarët kanë dal në fushë për të inspektuar gjendjen dhe duket se fusha është shumë e rëndaur.
Topi nuk kërcen, ndërsa ka vështirësi të qarkullojë në disa pjesë të terrenit.
Mbetet të shihet se çfarë vendimi do të marrin drejtuesit e takimit.
Dueli ndërmjet Kosovës dhe Rumanisë është në orar nga ora 20:45.
Kosova ka dy pikë nga dy ndeshje e para, ndërsa Rumania ka gjashtë pikë. /Telegrafi/