Sulmuesi kosovar, Mirlind Daku, ka paralajmëruar se në të ardhmen mund të përfaqësojë Kombëtaren e Shqipërisë. Këtë deklaratë ai e bëri në emisionin “Dueli Sportiv” në RTV Dukagjini,
Daku nuk u ftua nga Kombëtarja e Kosovës për ndeshjet kualifikuese për EURO 2024 ndaj Rumanisë dhe Bjellorusisë.
Tani, sulmuesi i Muras ka thënë se nëse do t’i jepet mundësia do të përfaqësojë Shqipërinë
“Nëqoftëse më jepet mundësia do ta përfaqësojë me gjithë zemër Kombëtaren e Shqipërisë,” tha ai.
Gjithashtu, Mirlind Daku ka treguar se gjatë grumbullimit të fundit me “Dardanët” kishte sakrifikuar për të qenë pjesë e skuadrës.
“Në grumbullimin e fundit kur jam larguar për shkaqe shëndetësore, kam ardhur me të gjitha medikamentet, ka ndodhur që katër ditë nuk kam arritur të ushqehem mirë. Vetëm e vetëm që ta mos refuzojë ftesën e Kombëtaren e Kosovës,” tha ai.
“Tani kur jam në formë të mirë, me këto statistika të mira, minutazhin e duhur dhe nuk po vjen ftesa atëherë po është diçka shumë jokorrekte ndaj meje,” theksoi 24-vjeçari.
Kujtojmë se Mirlind Daku kishte qenë golashënuesi i dytë më i mirë në Superligën e Sllovenisë me 19 gola.