Policia e Kosovës ka njoftuar se i ka arrestuar tre persona, të cilët ishin të kërkuar nga gjykatat për vepra të ndryshme penale.
“Njësitet policore në kuadër të Stacionit Policor Jugu në Mitrovicë dhe Stacionit Policor Skenderaj, gjatë ditës së djeshme kanë arrestuar tre (3) persona, të cilët ishin të kërkuar nga gjykatat për vepra të ndryshme penale”, thuhet në njoftim.
Sipas njoftimit, “pas përfundimit të procedurave të nevojshme policore, dy nga të dyshuarit janë dërguar në vuajtje të dënimit, ndërsa i dyshuari i tretë pasi dënimi ka qenë i zëvendësuar, ka paguar gjobën dhe i njëjti është liruar”.