Kryetari i LDK’së, Lumir Abdixhiku, ka ka vizituar sot fermerët në Suharekë, me të cilët ka biseduar për nevojat që kanë.
Ai është ndalur te familja Shala, ku nëntë anëtarët e familjes punojnë tokën në përditshmërinë e tyre.
Abdixhiku ka thënë se në planin e tyre kanë paraparë eliminim të burokracisë për grante, sigurime bujqësore për fermerë dhe dyfishim të mbëshetjes financiare, raporton Express.
“Për bujqit e palodhshëm që formojnë rrënjët dhe vet identitetin e shoqërisë sonë: ne ju shohim, ju falënderojmë dhe jemi me ju. Do të bëjmë rrugën përpara së bashku me ju, në mënyrë që çdo farë e mbjellë të sjellë shpresë e zhvillim për ju e gjithë vendin”, ka shkruar Abdixhiku.