Kryetari i komunës së Vushtrrisë, Ferit Idrizi, ka nënshkruar sot marrëveshje me Zëvendësministrin e Mjedisit dhe planifikimit hapësinor për asfaltimin e dy rrugëve në komunën e Vushtrrisë.
Postimi i plotë nga Idrizi me detaje :
Sot nënshkruam marrëveshje bashkëpunimi me zëvendësministrin e Mjedisit, Planifikimit Hapësinor dhe Infrastrukturës, z.Hysen Durmishi, për asfaltimin e dy rrugëve në komunën e Vushtrrisë:
🚧Rruga “Drenica”, segmenti nga Ura e “Silnicës” deri te Pompa e Derivateve në Bukosh, me gjatësi 1600m në vlerë prej 730,500.00£, projekt i financuar nga ministria, me kohëzgjatje 2023-2025
🚧Rruga Pestovë-Druar, bashkëfinancim në mes Ministrisë dhe Komunës së Vushtrrisë, me kohëzgjatje 2023-2024
Falënderoj sinqerisht Ministrinë e Mjedisit, Planifikimit Hapësinor dhe Infrastrukturës, për bashkëpunimin e shkëlqyeshëm dhe mbështetjen financiare në realizimin e projekteve për Komunën e Vushtrrisë.