Filarmonia e Kosovës ka nisur turin e koncerteve nëpër disa qytete të Kosovës.
Nga ky institucion i lartë i muzikës klasike kanë konfirmuar për VushtrriaPress-in se së shpejti do të publikojnë njoftimin me gjasë edhe për koncertin në qytetin e Vushtrrisë.
Theksojmë se publiku vushtrrias po mirëpret rikthimin e jetës kulturore në këtë komunë, ku javën e kaluar me shumë sukses është paraqitur në Qendrën e Kulturës “Hasan Prishtina” në Vushtrri, edhe trupa profesioniste e Baletit Kombëtar të Kosovës.
Filharmonia e Kosovës është institucioni më i lartë i muzikës klasike në Republikën e Kosovës. Brenda tij funksionojnë dy njësi, orkestra simfonike dhe kori i Filharmonisë të cilat së bashku numërojnë rreth 120 anëtarë. Brenda një sezoni koncertal Filharmonia e Kosovës realizon mbi 30 koncerte dhe aktivitete.