Baleti Kombëtar i Kosovës sonte ka shkëlqyer para publikut në qytetin e Vushtrrisë, ku publiku ka duartrokitur pa ndalë për shfaqjen e cila ishte e një niveli të lartë artistik, shkruan VushtrriaPress.
Me shfaqjen “Sisters” nga koreografi turk Mehmet Balkan, Baleti Kombëtar i Kosovës u rikthye në Vushtrri pas disa vitesh mungesë, bën të ditur VushtrriaPress.
Shfaqja u dha sonte në Qendrën e Kulturës “Hasan Prishtina” në Vushtrri, ku i pranishëm ishte drejtori i Baletit Kombëtar, Sinan Kajtazi, kryetari i Komunës së Vushtrrisë, Ferit Idrizi, ish kryetari Bajram Mulaku si dhe mysafirë të tjerë.