30 nxënës të shkollës profesionale për hoteleri e turizëm “7 Shtatori”, nga shtatori e deri tani kanë gjetë punë në Gjermani, për çka edhe sekretaria e këtij institucioni arsimor vetëm u ka përgatitur dokumentet e nevojshme për vizën e punës.
“Kryesisht nga Gastronimia, gjellëbërës, kuzhinier, kamerier të tjerat profesione më pak. Në Gjermani shumica e tyre do të shkojnë”, deklaron Musli Dulahu, sekretar i kësaj shkolle.
Jon Ajvazi ka shtatë muaj që po mësohet në Villa Gërmia, të gatuajë pica e përgatisë ushqime të tjera.
“Këtu është super, pasi ta përfundojë praktikën e kam në plan të punësohem këtu, më pëlqen shumë”, thotë ai.
Në këtë shkollë, mësohen edhe gjuhë të huaja, anglisht e gjermanisht.
Drejtorja e “7 Shtatorit”, Hatixhe Retkoceri, po thotë se numri i nxënësve të regjistruar në këtë shkollë po bie vit pas viti, ani pse të gjithë maturantët e sivjetmë, sipas saj veç i kanë siguruar tashmë kontratat e punës, njofton klankosova.
“Kjo po ndodhë për dy arsye. Një, sepse po u japin më shumë jehonë gjimnazeve e ne na duhet më shumë promovim dhe tjetra arsye se ka rënë nataliteti, shtimi i popullsisë”