Kryetari i Komunës së Vushtrrisë, Ferit Idrizi bashkë me drejtoreshën e Arsimit, Miradije Maloku kanë takuar gjatë ditës së sotme, nxënës dhe mësimdhëmës të tri shkollave fituese në Garat e Diturisë 2022.
“Ditën e përmbylla me nxënësit e tri shkollave fituese të garave të diturisë. U ndjeva i lumtur që prita në takim këta nxënës të shkëlqyeshëm në sjellje dhe në mësime, që rrugëtojnë drejt majave të dijes, dhe i urova për sukseset e arritura në garën e diturisë: 1. Vendi të parë, shkolla “Andon Z. Çajupi’’, Vushtrri; 2. Vendi i dytë, shkolla “Lumni Surdulli’,’ Samadrexha dhe 3. Vendi i tretë, shkolla “Enver Hadri,” Smrekonicë”, tha kryetari Idrizi, raporton VushtrriaPress.
Ai ka falënderuar nxënësit, mësimdhënësit, drejtorët e shkollave, e veçanërisht Komisionin Vlerësues, që ishte i përbërë nga një ekip profesionistësh, siç janë: Mentor Hajrizi (gjuhëtar), Jeton Sallahu (historian), Ramiz Parduzi (biolog), Faruk Jashanica (kimist) dhe Visar Gjaka (mësimdhënës i TIK-ut).
Kryetari Idrizi në takim pritur edhe fituesit e garave republikane, të organizuara nga shoqata e pedagogëve të kulturës fizike dhe sportit shkollor, në bashkëpunim me DKA, shkollat dhe mësimdhënësit e edukatës fizike.
Vendi i parë në nivel Republike “ShMU 2”- meshkujt, vendi i dytë në nivel Republike gjimnazi “Eqrem Qabej” – meshkujt, vendi i tretë në nivel Republike Shfmu “Liria” – Stroc si dhe Gjimnazi “ Eqrem Qabej” vendi i parë hendboll nivel Republike./VushtrriaPress