Sekretari i përgjithshëm i Këshillit të Sigurisë, Shpend Tërdevaj është shkarkuar nga kjo pozitë, në të cilën ishte vendosur nga 21 shtatori i vitit 2020.
Vendimi i Qeverisë Hoti u shfuqizua unanimisht nga Qeveria aktuale sot në mbledhje. Kryeministri Albin Kurti tha se emërimi i Tërdevajt ishte bërë në mënyrë joligjore, raporton Gazeta Express.
“Nisur nga fakti se rekrutimi i z.Tërdevaj është bërë në shpërputhje me dispozitat ligjore në fuqi, është e domosdoshme që vendimi të shfuqizohet me qëllim të kthimit të ligjshmërisë”, tha Kurti.
Kurti tha se funksionin e sekretarit të përgjithshëm të Këshillit të Sigurisë do ta ushtrojë përkohësisht një zëvendësues.
“Pozita në fjalë do të mbulohet nga një zëvendësues i përkohshëm”, tha Kurti, duke paralajmëruar se do të ketë konkurs për këtë pozitë.