Në shkollën “Ali Kelmendi” në Vushtrri, qytetarët që nuk kanë mundur të votojnë paradite po e shfrytëzojnë të drejtën e tyre të votës pasdite, para se të mbyllen qendrat e votimit.
Drejtori i kësaj qendre të votimit, Milazim Hyseni tregoi se sa është përqindja e daljes së qytetarëve deri më tani, njofton Klankosova.tv.
“Duke e llogaritur nga ora 15:00 deri tani janë 10 përqind më shumë qytetarë. Në orën 15:00 përqindja e daljes së qytetarëve ka qenë diku 20, ndërsa tani është përafërsishr 30 përqind”, u shpreh ai.