Dy persona janë lënduar si pasojë e një aksidenti që ka ndodhur në magjistralen Prishtinë – Podujevë, konkretisht në fshatin Lupç të Podujevës.
Të lënduarit janë dërguar për trajtim mjekësor.
Në aksident ishin të përfshira dy vetura.
Kështu tha për Klankosova.tv Agron Borovci, zëdhënës i Policisë për rajonin e Prishtinës.
“Rreth orës 17:00, është pranuar informata për një aksident trafiku rrugor të ndodhur në rrugën magjistrale Prishtinë-Podujevë. Në aksident janë përfshirë dy automjete”.
“Si pasojë e aksidentit dy persona kanë pësuar lëndime trupore dhe të njëjtëve u është ofruar ndihma mjekësore. Njësia rajonale e trafikut ka dalë në vendin e ngjarjes dhe po ndërmerr veprimet e nevojshme për ndriçimin e shkaqeve që kanë sjell deri te aksidenti”.