Një tren ka dalë nga binarët në aksin hekurudhor Fushë Kosovë-Prishtinë dhe si pasojë e këtij incidenti nuk ka persona të lënduar, shkruan Gazeta Sinjali.
Kështu ka bërë të ditur, kryesuesi i Komisionit për Hetimin e Aksidenteve dhe Incidenteve Aeronautike në Zyrën e Kryeministrit, Mirsim Beqiri.
“Incident në Aksin Hekurudhor Fushë Kosovë-Prishtinë.Treni i udhëtarëve del nga binarët. Fatmirsisht pa të lënduar”.
Beqiri theksoi se ky udhëkryq ku ka ndodhur incidenti nuk ka pasur sinjalizim.
“Në këtë udhëkryq nuk kishte sinjalizim horizontal e as vertikal!!!”, ka shkruar ai në Facebook. /GazetaSinjali/