Kryetari aktual i komunës së Vushtrrisë, Xhafer Tahiri dhe njëherësh edhe kandidati për kryetar të komunës nga radhët e LDK-së, ka vizituar sot qendrën e vaksinimit në Vushtrri.
Tahiri ka njoftuar se në Vushtrri janë administruar 34,585 doza të para dhe 29, 514 doza te dyta të vaksinës anti Covid 19.
Prezent gjatë kësaj vizite ishin edhe Dr. Bujar H. Pllana e Dr. Abdullah Vojvoda e Drejtoresha Arta, ku Tahiri thotë se mjekët dhe infermierët e kanë pasur e do ta kenë përkrahjen e plotë timen.
Gjithashtu Tahiri theksoi që gjatë këtyre katër vite të qeverisjes e trefishuan buxhetin për barna, ndërtuan QKMF e re, renovuan QMF në fshatra, i shtuan shërbimet shëndetësore e hoqën kufizimin e qeverisjes së kaluar që të bëhen vetëm 50 analiza në ditë në laborator të QKMF.