PDK-ja do të jetë partia fituese e numrit më të madh të ulësve në Kuvendin Komunal të Vushtrrisë, ku sipas shifrave aktuale kur janë të numëruar 95 nga 98 vendvotime, PDK ka 31,43% të votave, apo përkthyer në ulëse të Kuvendit Komunal, 11 gjithësej.
Subjekti i dytë fitues del të jetë LDK-ja e cila deri tani kur janë numëruar 95 nga 98 venvotime ka 30,80%, apo 10 asambleist të Kuvendit Komunal.
Vetëvendosje! do të ketë 8 asambleistë, ndërsa deri tani ka marrë 24,98% të votave, nga numri i përgjithshëm i vendvotimeve të numëruara deri më tani.
AAK-ja me 4,22% do të ketë dy anëtarë në Kuvendin Komunal të Vushtrrisë, ndërsa pa ulëse nuk do të mbesin as NISMA e Lista Serbe që do të kenë nga një anëtarë në Kuvendin Komunal të ardhshëm të Vushtrrisë.
Partia Demokratike Turke e Kosovës do të jetë me 1 vend në Kuvendin e ardhshëm komunal të Vuhstrrisë.