Është raportuar se mbrëmë kryeministri i vendit, Albin Kurti është kërcënuar dhe si masë e kujdesit, shtëpia e tij është rrethuar nga njësitet policore.
Sot në një konferencë për media, Kurti ka folur edhe për këtë çështje.
Kurti është shprehur se nuk ndihet i rrezikuar por që organet e rendit kanë marrë veprimet e nevojshme lidhur me këtë çështje.
“Së pari unë nuk ndjehem i rrezikuar por janë organet e sigurisë ato që i vlerësojnë kërcënimet dhe i ndërmarrin veprimet në përputhje me rrethanat e caktuara. Përndryshe unë as dje dhe as sot nuk e kam ndryshuar agjendën time”, ka thënë ai.
Ndërkaq për kërcënimet ndaj Kurtit, mbrëmë është konfirmuar edhe nga zyra e tij dhe si masë e kujdesit të shtuar, është rritur edhe niveli i tij i sigurisë.