Nuk kanë kaluar shumë kohë pas deklaratave të Tahirit në të njëjtin emision dhe në linjë të drejtpërdrejt në PrimeTime është kyqur edhe fituesi i raundit të parë të zgjedhjeve, Ferit Idrizi, i cili ka komentuar deklaratat e Tahirit dhe ka komentuar rezultatin e djeshëm.
Idrizi ka thënë se analizat dhe sondazhet e lansuara pro-Tahirit e kanë ndikuar rezultatin, duke shtuar se pritjet e tija kanë qenë që ai t’i fitoi rreht 40% të votave.
“Vlerësoj që kam qenë pak i hendikepuar sepse përgjatë 2 muajve analizat dhe sondazhet kanë qenë në favor të zoti Tahirit të cilat kanë ndikuar pak në zbehjen e rezultatit, përndryshe pritjet e mia kanë qenë dikun te 40 përqindëshi, ato që i kam pa te opinioni dhe qytetarët, nuk ka qenë diqka që të më befasoi ” ka thënë Idrizi.
“Unë kam qenë fitues edhe në vitin 2017, fitues bindshëm, ku i kam ikë zotit Tahirit 5 ose 6%, sido që të jetë ky është një rezultat i mirë dhe i favorshëm, dhe hap rrugën që në balotazh të marrë mandatin e qeverisjes 4 vjeçare të Vushtrrisë” ka thënë Idrizi.