LDK nga Vushtrria thonë se kanë dyfishuar subvencionet në bujqësi dhe se qytetarët do ta ndjejnë mbështetjen e shtetit

Kandidati për Kryeministër nga LDK, Avdullah Hoti thotë se Vushtrria ka vendosur për Shtetin-shtet.“Vushtrria është e njohur për bujqësinë, prandaj qeveria jonë ka një plan të qartë për zhvillimin e saj. Ne e kemi aprovuar Masterplanin për ujitjen e tokave bujqësore për gjithë Kosovën, përfshirë edhe komunën e Vushtrrisë. I kemi dyfishuar subvencionet në bujqësi dhe kemi vendosur që t’i lirojmë bujqit nga pagesa për ujitje të tokave bujqësore”, shkruan ai, përcjellë Gazeta Blic.Ai thotë se qeverisja e LDK-së është me dinjitet e integritet, prandaj dhe qyetarët do e ndjejnë mbështetjen e shtetit.

Postimi i tij plotë:

Vushtrria e vendosur për SHTETIN SHTET!
Entuziazmi dhe vullneti për të vazhduar me qeverisjen e LDK-së, u pa sot më së miri nga masa elektrizuese në këtë qytet.
Vushtrria është e njohur për bujqësinë, prandaj qeveria jonë ka një plan të qartë për zhvillimin e saj. Ne e kemi aprovuar Masterplanin për ujitjen e tokave bujqësore për gjithë Kosovën, përfshirë edhe komunën e Vushtrrisë. I kemi dyfishuar subvencionet në bujqësi dhe kemi vendosur që t’i lirojmë bujqit nga pagesa për ujitje të tokave bujqësore.
Me qeverisjen e LDK-së, qytetarët do të vazhdojnë ta ndjejnë mbështetjen e shtetit, sepse qeverisja jonë, është qeverisje me dinjitet e integritet. Është qeverisje që respekton ligjet dhe kushtetutën. Është qeverisje që ka vizion të qartë pro-perëndimor.
Bashkë për fitore!
#shtetishtet