Kandidati për deputet nga LVV, Gazmend Gjyshinca, në një intervistë dhënë portalit Mitropol ka folur edhe për prishjen e koalicionit LDK-LVV i cili ndodh ditë pak ditë më parë në komunën e Vushtrrisë.
Për këtë prishje të kaolicionit Gjyshinca i ka vënë faj LDK-së, duke shtuar se është po i njëjti mentalitet që rrëzoi Kurtin më 25 Mars të vitit të kaluar.
“Kjo çfarë ndodhi në fund është shpërfaqje e të njëjtit mentalitet që rrëzoi Qeverinë Kurti më 25 Mars” ka thënë Gjyshinca në intervistën dhënë për Mitropol.
Gjyshinca në këtë intervistë ka lavdëruar punën e drejtorive që kanë qenë të udhëhequra nga VV-ja në Vushtrri, duke veçuar atë të Administratës dhe Drejtorinë e Shëndetësisë.