Kandidati për deputet nga Vetëvendosje!, Gazmend Gjyshinca, ka vizituar kompaninë “Emitex-Jatex” në Gjakovë ku është njohur për së afërmi me sfidat dhe problemet që ballafaqohet kjo ndërmarrje dhe punëtorët e saj.
Për vizitën ka njoftuar edhe Gjyshinca i cili ka shkruar se dekada të vështira për punëtorët dhe ndërmarrjet mund të ndryshohen vetëm me Lëvizjen Vetëvendosje!.
“Diskutim përmbajtësor me punëtoret e kompanisë “Emitex-Jatex” në qytetin e Gjakovës.
Shqetësimet e sfidat janë të shumta, këto dy dekada kanë qenë të vështira për kompanitë, punëtorët dhe familjet e tyre në Kosovë.” ka shkruar Gjyshinca.
“Andaj ndryshimi është bërë i domosdoshëm, ndërsa materializohet më së miri me programin e Lëvizjes Vetëvendosje!” ka shkruar tutje Gjyshinca.