Partia Demokratike e Kosovës ka arritur që në këto zgjedhje në komunën e Vushtrrisë të marrë 6526 vota gjithësej, apo shprehur në përqindje rreth 20.14%.
Në një listë të siguruar nga VushtrriaOnline shihet se bartësi i listës, Enver Hoxhaj është më i votuari me 4362 vota, i përcjellur nga Kurtan Kajtazi me 2589 vota, dhe Xhevahire Izmaku 2052 vota.
Menduh Abazi, si aderim i ri në PDK, në këto zgjedhje në komunën e Vushtrrisë si kandidat del të ketë marrë 1936 vota.
Isa Hajrizi, është një prej kandidatëve që poashtu ka marrë një sasi jo të vogël të votave, ku sipas listës ai ka siguruar 1929 vota.
Uran Ismaili, i dyti në listën e PDK-së sipas kësaj liste ka marrë 1036 vota.
Kandidati nga komuna fqinje e Skënderajt, Mërgim Lushtaku, po ashtu del të ketë marrë 722 vota në komunën e Vushtrrisë.
