Xhevahire Izmakut po i kthehet në mbështetje dhe falënderim insistimi i saj vite më parë që një prej projekteve më të mëdha rrugore të realizohet në këtë pjesë.
Janë 9 fshatra si Shallci, Vërnica, Rezniku, Pantina, Ashlani, Akrashtica, Shtitarica, Dolaku dhe Liqej që kanë rinkonfirmuar se do të përkrahin Xhevahire Izmakun në garën e saj për deputet në Zgjedhjet që do të mbahen më 14 Shkurt.
Në këto fshatra Izmaku ka realizuar disa takime ku në secilën prej tyre qytetarët janë informuar për punën që deputetja në fjalë ka bërë gjatë tri mandateve të saj që të jetësoi projekte me interes për banorë të këtij rajoni.
Për takimet ka njoftuar edhe vet Izmaku përmes llogarisë së saj në facebook.
“Dega e Partisë Demokratike të Kosovës është mobilizuar në çdo nëndegë të saj. Në çdo fshat dhe në qytet. Shallci, Vërnica, Rezniku, Pantina, Ashlani, Akrashtica, Shtitarica, Dolaku dhe Liqej ishin fshatrat që vizituam këto dy ditë e fundit. Pamë angazhim me përgjegjesinë më të madhe për situatën në të cilën ndodhemi me pandeminë.” ka shkruar Izmaku.
“PDK mbanë përgjegjësi për veprimet e saj, ndaj dhe qytetari na ka besuar dhe këtë besim do na e konfirmoj edhe njëherë me 14 Shkurt. ” shkruan Izmaku.